劇情簡介

台譯《驚聲尖笑》。 廿六年前，佢哋曾經同一個熟口熟面嘅蒙面殺手（「鬼面殺手」）搏老命。今年，呢四條友又再次俾殺手睇中 ，令所有恐怖電影IP都難逃被惡搞嘅厄運！三寸釘（馬龍韋恩斯）、阿雷（西恩韋恩斯）、仙蒂（安娜花莉絲）、柏蘭（維珍娜荷爾）一齊搞鬼回歸，聯同一班新血，炮製最癲喪嘅全新《搞乜鬼奪命雜作》！一切講得出嘅賣座恐怖經典，無論係重啟、續集、前傳；係原著定係衍生作品；高檔又好、低俗又好；任何稱得上係「傳奇」，又或者自稱係「結局篇」但拍極都死唔斷氣嘅故仔，都一律被「韋恩斯兄弟」盡情戲謔兼玩殘；實行踢爆每條公式，踩盡每條底線！無嘢需要驚，只需要著兩條褲入場迎接奪命笑料！