劇情簡介

倫文敘同柳先開都係廣東嘅著名才子，兩個人成日用啲鬼馬嘅文章同埋玩諧趣鬥氣而聞名，不過兩個人嘅性格其實係兩個極端，亦因為咁而成日發生口舌之戰。 柳先開為人正直，武功高強，最鍾意抱打不平，以警惡懲奸而廣受普羅大眾嘅歡迎。至於倫文敘份人就鬼馬多端，成日用埋晒啲小聰明嚟整蠱人，搞出好多抵死過癮嘅笑料出嚟。 某一年嘅鄉試，兩個人一齊去應考，點知倫文敘僥倖高中咗，搞到柳先開耿耿於懷，於是發誓要搵倫文敘再比高下。之但係原來倫文敘其實唔鍾意讀書，只係因為俾佢啲鄉紳同埋娘親嘅威迫利誘低下先至走去省城嘅明校就讀，亦因為咁先會同柳先開成為同學仔。喺學校裏面，兩人成日鬥氣不在話下，更因為一齊追女同學程情搞到笑話連篇。