劇情簡介

表面上，亞美﹙米娜古妮絲 飾﹚係一位全能靚媽，查實自己知自己事 – 返公司俾PK腦細當廉價雜工，喺屋企又俾衰佬同仔女點到陀陀擰！壓力爆煲忍無可忍，亞美終於把心一橫豁出去，拍住宅女師奶奇奇﹙姬絲汀貝兒 飾﹚同烈女大媽卡拉﹙嘉芙蓮漢恩 飾﹚蒲出真我，不但改善咗感情生活同親子關係，仲決定向陰濕闊太桂蓮﹙姬絲汀娜艾普姬 飾﹚挑戰，爭做新一屆家長會主席！一個力Sell十全十美，一個Hea爆做返自己，怪獸家長選民個個心大心細，女王寶座到底花落誰家？