劇情簡介

一直做兵仔嘅偉霆終於等到女神樂童分手，仲畀佢撞正絕佳機會食住上：樂童爸爸沙膽由鄉下殺到嚟，迫樂童回鄉相睇；為咗耍走阿爸，樂童哀求偉霆扮自己男朋友，仲叫佢帶埋全家一齊見家長。偉霆阿媽花姐、世叔伯鼎爺同死黨戇呃等人，齊齊夾計扮鬼扮馬，誓要冧掂惡到爆嘅未來外父；可惜個個騎呢百出，結果搞到一鑊粥！本以為外父政策行唔通，誰不知沙膽突然惹上大麻煩，偉霆即刻戴返頭盔、出動「野狼的士GO」，救外父之餘，唔通可以順手抱得女神歸？