劇情簡介

香港地搵食艱難，連古惑仔都紛紛轉行！過氣黑幫大佬黃金貴鬼哥(黃秋生 飾) 眼見夜場生意冷淡，決定同好兄弟阿良(黃又南 飾) 以及一班手足轉行搞茶餐廳。然而，鬼哥同阿良卻在沖茶、整包的過程中，愛上單純的茶記老闆娘阿媚(蔡卓妍 飾) ！兄弟爭女，令一向和諧的幫派出現前所未有的暗湧……與此同時，從前黑道上的死對頭阿標卻睇中鬼哥的靚舖位，用盡無恥手段逼遷！內憂外患一齊殺到埋身，江湖大佬忍無可忍！到底要為生活做縮頭烏龜，定重新使出英雄本色，盡地一舖做單大茶飯？