劇情簡介

兩個來自單親家庭嘅阿 Sir 陳見飛同 Johnny 性格迥異，一個爛仔咁款，一個單純裙腳，成日火星撞地球。偏偏彼此嘅父母相戀，鬥氣冤家頓成哎吔巴打，仲住喺同一屋簷下，爆出大堆笑話。義氣仔阿飛懷疑前度 Bessie 嘅老闆害死好兄弟，於是著佢暗中查探，卻隨即引來追殺，更牽連家人；戇直嘅 Johnny 亦睇唔過眼，為咗搜集罪證換取情報，不惜同醜樣但嗅覺極靈嘅毒品調查科小公主談情說愛。惡勢力當前，異姓兄弟終於放低成見，拍住上爲正義展開驚天一戰！