劇情簡介

港譯《愛登士家庭2》。 兩年前全球爆收15億嘅黑色動畫《愛登士家庭》，添食全新一集，人氣爆笑歸位。凳凳凳凳⋯ 登登登登⋯ 一家瘟神齊齊整整衝出大宅，變身旅遊達人，用最惡搞方式展開史上最騎呢「stay畸tion」！哥梅茲、梅蒂絲（伍詠薇）夫婦自駕暢遊海邊，溫絲黛千方百計攞阿哥命三千；帕斯利跌落瀑布、炸咗個峽谷當奏交響樂；肥斯特叔叔（周祉君）更爭啲氣絕身亡！與眾不同嘅愛登士精神，就係要嚇到全城市民日日慌心出行，行步路都驚打倒褪！粵語版伍詠薇暨周祉君上身聲演；英語版有金像影后查理絲花朗、嘉兒莫蕊茲、奧斯卡依撒大放幽默笑彈，勁到嚇屎人！
環球影業發行，《愛登士家庭》班底再打造《愛登士家庭2》(THE ADDAMS FAMILY 2) 呢轉「stay畸tion」鑊鑊新鮮鑊鑊甘， 笑死冇命陪！